(page 16)

A sak kou d’zok zot i pran èk sondaz i done azot pèrdan, bann rèsponsab le “oui” pou référandom i gonf zot zabo. "Na voir sat na voir", sélon zot ; mé dék zot sra an kanpagn, "le “non” la pa pou ténir la distans’"... !

Dopi, non sèlman le “non” i tienbo touzour la distans’, mé le “non” lé touzour loin dovan. Parkont, sat le “oui” i done pou gété ou pou antann lé pa tro zoli. I fré plito pitié ! !

Désèrtin dann l’UMP i afirm, san ri, zénéral de Gaulle noré vote pou le “oui”. Dot, dann le P.S., lé pèrsiadé Jean Jaurès noré fé la mèm shoz. Si i kontinié konmsa, fodra zot i pran konsèy èk Jean-Paul Virapoullé. Si zafèr votaz le mor, li koné in réyion ! ! !

Justin