Ala in kozman, mi pans zot i antan bokou souvan, pars sé in n’afèr la fine rant dopi lontan dann lo mazinasyon kréol La Rényon. Mé antansyon, la pa arienk pou la mor i di sa ! Sa i di kan i ariv in n’afèr ou i vé pa, ou i souète pa k’i ariv. Konm égzanp ni pé dir dann in bonpé sityasion i pé site so kozman-la : in moun i fé fayite dann son komèrs ? L’èr-la demoun i di nout kozman an-o la. In marmaye i kondui an fou-fou ziska ké li kraz son loto ? Mèm romark, mèm kozman ! Mèm z’afèr pou in pèrt travaye, pou in divors, in z’éshèk dann in l’égzamin ! Tousa pou dir, lé shoz i ariv pa konmsa, par azar, mé pou in rézon, bon sansa mové, mé pou in rézon kant mèm. Alé ! Fé travaye z’ot koko la dsi. Ni artrouv pli d’van !