Médame, zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami néna bande kozman-i di galman bande patoi – sa i égziss dopi lontan é bande vyé moune i kontinyé ansèrv sa. Souvan dé foi mi ansèrv lo kozman : zoinn lé dé boute par l’milyé é sa i konsèrn demoune néna difikilté pou fé ariv zot larzan ziska la fin di moi. Kozman mwin la marke an-o-la, li ossi i komanss a daté. Koméla ni di par ébzanp sa sé in n’afèr i komanss daté. Pou di sa, mi rapèl bande demoune lo sid téi di : « Néna bélaz é bo tan. » Pou dire sa i romonte dann tan lontan-dizon dann tan zézikri téi marsh kate pate, dann tan zézikri té ankor in pti marmaye. Mi soré pa dir azot pou kossa i di sa, mé mi antrovoi lo sanss.

Alé ! Mi kite azot rofléshi la dsi é ni artrouv pli d’van. Sipétadyé.