Médam, Mésyé, La sosyété, koz èk moin sé koz èk in kouyon mé sé o pyé d’lo mir k’i oi lo bon mason. Mé zami, kozé lé pli fasil ké fèr é sa de toutan. Pou kosa ? Pou ma par, mi koné d’moun a pène zot i pans in n’afèr i fo zot i fé in déklarasyon : kisoi in bon l’angazman, kisoi in mové l’angajman, é la plipar d’tan kan la boush lé fine rouvèr i kalkil lo risk si néna inn : konbien foi moin la antann demoun di in n’ot : « si ou néna in problèm vie noir amoin ! ». Mi pans nèf foi dsi dis la pèrsone i kalkil : « Provi k’i ariv pa arien é k’i vien pa oir amoin. ». Promèss sé dète ! La pa toultan an touléka. Défoi mi antann galman demoun i di : « Ou nora afèr amoin si ou i toush lo shové intèl ! » é lé pa touzour ké lo fèr i suiv lo dir dann in ka konmsa. In sèl loson mi tir ladan, sé dann tout sityasion, komans par kon trol out lang pars l’ann uiman i pé komans par la. Alé ! Mi kite azot roféshi la dsi é ni artrouv pli d’van. Sipétadyé.