Mézami souvan dé foi mi di épi d’ote i di konm mwin : « Sa i fé pa avèk la krash ! ». Donk sa i fé pa an kozan. Si toute zafè téi fé an kozan, néna lontan la figuir la tère noré té fine shanjé. Mi pé dir par égzanpe la pa an kozan k’i dévlope in péi é sa lé bien vré.

Donk si zot i vé fèr, lé bonpé pli difisil ké dir, mé fèr i pé donn dé rézilta ké wi trap ar pa zamé an kozan.

Alé ! Mi arète tèr-la é mi domande azot bien rofléshir la dsu. Bien réfléshir dsu sak zot i pë fèr pou zot péi é aprésa i fo fé ali.

Ni artrouv pli d’van, sipétadyé.

Justin