Oté

« Néna gouni ton kaz ? »

In kozman pou la rout

Justin / 17 mars 2018

JPEG - 43.6 ko

Demoun koméla, moin lé sir, i koné pa sa sansa la fine obliyé. Pou kosa ? Pars sa i romont dann tan kalbanon. Dann tan-la l’avé poin port séparasyon la plipar d’tan. L’avé in rido gouni pou sépar shak shé soi é l’avé poin fèrmtir. Té i sifi pasé é aprésa lo gouni téi ropran son plas. Mi an souvien in moun ni pé apèl in gro blan té apré fé vizite bann kalbanon é li té apré asplik anou, son gran papa l’avé zangajé dann kalbanon koté lo mézonn mètr, mé lo bann méyèr sal lété pou son shoval pars sa lété son proféré. Sof pou sa, mé pou arvnir dsi nout kozman an-o la, kan in zanfan sansa in jenn jan téi obli ral la port séparasyon, demoun té i di ali kozman moin la mark an-o la. Alé ! Mi kite azot rofléshi la dsi é ni artrouv pli d’van sipétadyé.