Mézami si mi di azot kozman-la sé pars mi koné, d’apré mwin, sa i pé fé déga dan la tète demoune sirtou bande jenn épi bande shomèr kan zot i sava rode travaye. Rodé ? zot i rode mèm mé travaye lé rare konm korn lapin. Alor kan zot i rante zot kaze é ké néna inn, la boush anfariné, pou dire azot kozman mwin la marke an-o la, zot i konpran – mi éspère – dann kèl l’éta la tète demoune i lé. A moinss ké zot i fé t’ékspré di sa, pou sa. Donk zot i trape lo rézilta zot i vé.

Mwin lé pou arien ladan. Mi di pa sak i fo di é sak i fo pa di, mé mi di solman antanssyon. Antansyon pars in pti kozman konmsa i pé fé déborde lo vaze é kan lo vaze i déborde-sanss figuiré – agarde kissa i gingn ponj le lo.

Alor, mézami, mi kite azot rofléshi la dsi é ni artrouv pli d’van. Sipétadyé.

Justin