Mé la pa sa, i shoz amwin in pé la.Sak i shoze amwin in pé sé ké konm dabitide lo préfé lé mal ranségné .Méssyé lo Préfé « on né vou di pa tou ! » : pa toute dolo i vèrs atèr avan ariv dann robiné demoune l’apré sobate po satisfé zot bézoin éssanssyèl.. Mèm i di pa li konbien dolo i koul nuite é zour dann lo por Sint-Roz.

Poitan sa sé in n’afèr pou vréman pars la parti trape dolo lo pli o possib épi la mète lo tirbine lo pli ba possib tèl fasson k’i produi léstréssité-lo lidro léstréssité-mé o fète, konbien dolo i koul zourénuite, nuite é zour dann por Sint-Soz.... Yèr matin in moune la di amwin i fo konte an milyé d’mète kib dann in zourné.

Mi trouv pa lo shif mé mi assir azot sé in bon paké :la prèv, virapoullé téi vé pa vande dolo bande larabisaoudite. L’afèr la foiré konm dabitide avèk moune-la mé fransh vérité sé k’néna , sék néna in ta avèk in paké é dopi dé zané é dé zané.Solman oila pèrsone la pan kor trouv lo tik-tak pou ansèrv bien sol o-la.

Sirman ké si téi ramass sa, lété possib ké lo sid-est é mèm lo sid tou kour nora pa manke dolo.Mé ramassé ok mé kissa i sava rékolt lo larzan, pars sirman sé sa ké banna i anparl : sa i grate la min in n’afèr konmsa é sa i déklansh dé z’anvi, si tèlman ké i fé pa arien avèk.

Alor méssyé lo préfé, dolo néna La rényon, mé la zéstyon lé katastrofik-

A bon ékoutèr, salu !