Mézami si mi baz dsi bann liv an kréol i pass dann mon min « tourné-viré » sansa « viré tourné » sé inn manyèr alé-vnir, bouzé san tro bouzé mé an étan touzour la, pétète galman pou partissip bann konbine in pé malonète.

Mé dann in shanson mi rapèl mwin la trouv la fraz : « Néna lontan mi oi oute tourné-vir » é sa i vé dir kan wi suiv in moune avèk intéré, pétète pou fé in moush ansanm, pétète pou kass in pé lanbordir, avan tonb amouré.

Dann in ka konmsa dizon lé plito zoli, plito plézab, i fé plito parti d’la vi amourèz é noute toute la koni sa é i apréssyé bien bann stratézi-la.

Alé ! Mi kite azot rofléshir la dsi é ni rotrouv pli dvan, sipétadyé.

Justin