Mi pans zot konm mwin ni koné kozman-la pars si mi tronpe pa li égzis dann in pé toute péi, épi toute sossyété… Nou lé bien dakor, nou l’apré koz roprsh wi gingn kan wi fé in n’afèr. Dabor pars lé rar kékshoz i pé kontante toulmoune. La vi an sossyété lé konmsa, é la pa zordi èl va shanjé. Aprésa, si ni parl lintéré ni romark toulmoune la poin lo mèm lintéré. Ni pé galman anparl lidé lé z’inn é lé z’ot i pé an avoir dsu in mèm zafèr. Sé pou sa, olèrk diskite san-sète an, demoune i profèr di sak mwin la mark an-o-la.

Mé ni pé d’mande anou si la solission sé d’pa fé arien. Pars pou sa ossi wi pé gingn roprosh. Fèr ou bien pa fèr, ala in gran késtyon é sé pou sa mi domande azot rofléshi dsu la késtyon.
Alé ! Mi kite azot pou zordi é ni artrouyv pli d’van. Sipétadyé.

Justin