Oté

« Néna sak i plant pyé d’boi, é sak i koup : sak i plant lé pli proférab »

In kozman pou la rout

Justin / 27 zwin 2020

JPEG - 43.6 ko

Médam zé Mésyé, la sosyété, koz èk moin sé koz èk in kouyon, mé sé opyé d’lo mir k’i oi lo mason. Mézami, kozman moin la mark an-o la zordi sa sé in prov èrb l’alzéri. Astèr mi pans li lé a popré valab dann tout péi demoun i kont dsi pyé d’boi pou aranz z’ot vi… Mi yinmré rakont azot in zistoir : zistoir plant i konbat moustik. Fitintan, dann la vil Le Por bann sèrvis kominal l’avé plant in kantité pti pyé d’boi i vanj kont bann moustik. Lo prinsip lé bon… Mé lo tan la passé é in nouv o mèr l’arivé épi d’ot sèrvis minisipal. La désid koup lo bann ti pyé d’boi é la koupé. Astèr mi domann azot kisa néna rézon : sak la fé plante bann pti pyé d’boi anti moustik, sansa sak la koupé. Na poin pou diskité, sé lo promyé k’lavé rézon. Alé ! Mi kite azot rofléshi la dsi é ni artrouv pli d’van. Sipétadyé.