Oté

« Néna touzour in zèf gaté dann ta »

In kozman pou la rout

Justin / 18 séptanm 2018

JPEG - 43.6 ko

Mi souvien, kan moin lété jenn, in madam l’apré fé gato nout kaz dan lé o. Li kass in zèf dann in pla, in dézyèm zèf dann pla, é èl i prépar aèl pou fé sa avèk tout zèf par zèf. Mon papa i di ali : kass pa toutsuit dann pla, kass dann in résipyan avan. Majine in kou ou i trou in zèf gaté, an parmi ! Kisa la di néna in pé i aport la boush kabri ? Pa sito di, lo madam i kass in zèf dirèktoman dann pla : gaté ! Lo zèf té gaté. Fini pou lo gato, fini po zordi… an touléka sé sak moin la pansé dann tan-la. Alé, si mi lèss lo zèf dé koté pou l’instan, ni konpran néna toultan, kék par, in zèf gaté : kisoi an parmi in bann zanfan, kisoi an parmi in bann travayèr sansa patron, kisoi dann la sosyété an zénéral. Chirac téi anparl pa lo mouton noir ? Alé ! Mi kite azot rofléshi la dsi é ni artrouv pli d’van. Sipétadyé