Kozman mwin la marke an-o la i amontr bien kossa i apèl lésploitassion l’om par l’om. Sa la komans komansman l’imanité é i kontinyé zordi, é lé pa pré pou fini domin. Dopi komansman limanité nou la konète toute kalité lésploitassyon épi toute kalité lésploitaz : lésploité sé la plipar di tan sak i fé la rishèss, épi lésploitèr sé sak i anrishi ali.

Lésklav la anrishi lésklavaziss, lo langazé la grossi lo pla langajiss, lésploité la anrishi lésploitèr kissoi kapitalist osinonsa otroman. Konpar si zot i vé lo trin d’vi d’inn avèk sète l’ote é zot va oir la diférans. Arzoute èk sa inn va touzour rézone an lésploitèr, é l’ote an lésploité.

Alé ! mi kite azot rofléshi la dsu é ni rotrouv pli d’van. Sipétadyé.

Justin