Kan l’ariv l’èr pou manzé zot la pass zot komann épi zot l’atann.

L’avé prèss poin demoune dann réstoran-la, l’avé solman in boug té apré atann son ropa… Kan son ropa l’arivé é sète bann Mandéla té fine arivé galman, Mandela la di in solda : « Méssyé-la lé toussèl, alé dir ali vien avèk nou, amenn son manzé épi li sora an parmi ». Lo moune la aksépté épi li l’amenn son manzé mé konm i di, li té pa tro dann son zassyète. Fini manzé, li la kol shomin épi la parti, sirman dé shoz a fèr.

Lo solda la di avèk Mandéla : « Prézidan, bononm-la lé bonpé malade pars son min téi arète pa tranblé épi li téi rogarde partou konmsi li lété dann danzé. ». Mandéla la réponn lo solda : « Ou la tronpé ou-la ! Li té pa malade ». Bononm-la té mon geolyé kan mwin lété dann la prizon é kan téi tortir amwin, mwin téi arète pa kriyé pou demann delo.

Shak foi li téi vien épi li téi piss dsi mon tète san done amwin delo bien antandi.

Mi panss, zordi mwin lé Prézidan donk soi li l’avé pèr mi fé tortir ali, soi li l’avé pèr mwin téi piss dossi li, konm li la piss dossi mwin.

Mé bien antandi mwin lé pa konmsa ditou é mwin lé loin d’ète konmsa pars Bondyé l’amontre amwin dan la vi i fo pardoné é zamé rann lo mal pou lo mal, mé plito rann lo bien pou lo mal. Sé solman konmsa k’i pé avanssé.

A bon antandèr, salu !

Justin