Mi pans sa sé lo déstin in bonpé d’moun dsi la tèr : zamé ète dakor inn avè l’ot. Moin la konète in bonpé d’moun konmsa. Poitan i diré zot téi antann, mé i diré solman pars fransh vérité lété konm mi di azot. Biensir la pa konm lo shien avèk lo shate pars kan i di konmsa, ni pé dir néna in dogré anplis dann la movèz antant : nou lé kaziman dann in bataye pèrpétyèl… Zot i pans mi parl l’antant dann ménaz mé la pa solman konmsa. Moin la konète lo mové zantant dann travaye é mi pé dir azot l’avé pa bézoin granshoz pou mète dézord. In zétinsèl i pé mète dofé dann karo d’boi. I paré kan lé konmsa i fo mète la distans rant l’inn é l’ot. Ankor, koméla, avèk téléfone portab moin lé sir é sèrtin bataye i pé pété a distans. Alé ! Mi kite azot rofléshi la dsi é ni artrou pli d’van. Sipétadyé !