Oté

« Noiyo lé dann lo frui é lo frui dann noiyo »

In kozman pou la rout

Justin / 7 mé 2018

JPEG - 43.6 ko

Pou konprann sak mi sort mark an-o la, la pa bézoin an avoir bak + vinnsink. Zis in pti pé d’zizote i sifi. Pars la natir lé konmsa an zénéral : dann frui néna in grin é si ou i plant lo grin ou i pé gingn ramas in bonpé frui, an touléka, inn omoins. Mé si mi tronp pa sa in provèrb sa ! É in provèrb néna in sans i dépas in sinp konstatasyon-dizon néna in sans prop ni sort oir épi in sans figiré é sans figiré-la ousa li lé ? Dizon ni pran la sosyété dann son ronouvèlman, li néna bon valèr konm mové valèr, mé kan i ronouvèl bann bon konm bann mové valèr i fé d’ti. Alé ! Mi kite azot rofléshi la dsi é ni artrouv pli d’van. Sipétadyé.