Ni pé dir, ni pé kroir, La Rénion koméla konm tout la tér i aksèp pi bann violans kont bann fanm. Ni pé mars dann somin, tout an blan. Ni pé fé spot la télé. Ni pé fé zartik zournal long minm. Kosa i ansèrv si la zistis i suiv pa ?

Na in afèr zabi séksièl nou la kozé lo moi d’novanm. Inn fanm lé o in boug inportan la abiz si èl dann son kabiné diran kék zané, dopi él té ankor in zén fy tann minm. Zistoir-là lavé révolt anou, sirtou akoz lo boug i roprézant soi-dizan domoun son vil.

I komant pa inn désizion la zistis. Malgré tout sak fanm-là la gouté, la zistis i di anou koma na in non-lié. Trasé. Pasé. Na poin rien pou rodir ? Na poin rien pou voir. Rod pa. Solman, zistoir fanm la la sibi, la bien i lié, pou vréman.

Zistin