An léspas mèm pa kat moi, dé linsandi la fé karantéin mor é katrevin blésé. Anparmi le bann viktime désédé, brilé vif, nana disèt zanfan. Sa i éspas’ a Paris, é nou lé an lan 2005 !

Dann lé dé ka, dofé la déklar dan limèb rafistolé i date lantikité. Dann lé dé ka, le bann zimèb an kèstion té okipé par bann Fransé imigré té ki atann, dopi matisalèm, in lozman désan. Sa i éspas’ a Paris, é nou lé an lan 2005 !

Dovan le grav problèm lozman - in milion troisan mile demande an soufrans’ - tout de moune lé pa si le mèm pié d’égalité. La kriz i frap krièlman an promié sat la poin asé larzan pou rant dann in kaz nèv. In véritab lapartèd sosial . Sa i éspas’ an Frans’ é nou lé an lan 2005 ! ! !

Justin