La pran près sinkant an pou mèt anlèr légalité sosial. Konbien n’tan va pran pou mèt anlèr nout dévlopman ? Sa sé pou nou, éstèr, lë prinsipal késtion. Nou pë pï atann ankor sinkant an.
Marie George Buffet la bien rëmarké : issi nana in vré bézoin l’égalité, épï in vré bézoin la dignité.

Nou la pa in péi békèr d’klé. Mem si nout ka lé grav, la pa sa nou vé !
Kossa bann vaza i vë pou nou ? Zot i vë nou kontant nout sor, nou réspèk in sosiété oussa zot la pran méyèr plas pou zot. Zot i di anou : bann kandida, la-ba dan la frans, la fine fé bon-bon propozission, sak lé bon pou la-ba, lé bonpou issi !

Azot, bann vaza, bann gro majistra, zot i kroi ni koné pa si i aplik dirèk sak banna i propoz pou La Frans, nout poi lé o fë. Dann sinkant an, va parl ankor dévlopman.
Nou koné sak lé bon pou nou, nou vë fé sak lé bon pou nou, nou la pa bézoin bann gran shèf pou tienbo nout doi pou ékri, konm té fé dann tan avèk bann marmay.
Inkyèt pa ! Nou va suiv shëmin nou la marké, nou va trouv, nou mem, shemin galizé nout dévlopman.

Justin