Dépï dé-troi zour demoun i trouv pi d’ pozision pou mèt azot tèlman i fé sho. Moin la antann in prézantatris radio di konm sa :"ou bat sinpléman in zié, ou la fine pèrd troi lit de lo !".Sérié in n’afèr konm sa ! Moush i pik jiska, la po i kol, demoun i transpir apré zot nana shomiz dé koulèr ; inn koulèr mouyé, l’ot koulèr sèk. Bann zanimo i tourn an ron.Bèf i bav sï son rob konm dann poèm Leconte de Lisle sak i apèl "midi".

Soloman,si in moun la fine viv in bon koup dë tan, dizon in domi-sièkl, li pé di : tou l’tan lété parèy. Dé sèrtèn zané la shalèr i donn , désèrtèn zané i fé pa si tèlman sho. Lé vré pou la fré, konm pou la shalèr. La pa défandi di ninport dëkoi, solman la pa pou sa, sak ou di sé la vérité.

La vérité lé pli grav kë sa. La vérité sé k’ la tanpératïr i goumante fïr-a-mézïr,épi napoin arien pou arèt alï akoz bann gaz "à effet de serre". Nou l’apré mèt la tèr dovan-déyèr. Si i ginye pa kal sa, zot i pé mazine kosa bann zénérasion ki vien va pans dë nou. Va di nou sé in zénérasion barbar.

Justin