Si dimansh 11 février, moin lété la réunion lalians épi si moin navé dizuitan par-la, épi ankor mon bac dan la posh, moin nar arsort tèr-la, lo kèr gonflé vèy pa koman. Akoz sa ? Akoz moin noré été kontan oir mon péi shanj dovan mon zié. Akoz ankor ? Akoz moin noré mazine kèl plas mi sar pran dann so transformasion-la ?

Epi, mon tèt narté riskab pété afors moin na késtion pou pozé épi zisk’issi pèrsone pou réponn.
Kèl métié, kèl travay m’a niabou fé dann bann gran shantié-la, épi apré kan sora fini touzour kèl métié, kèl travay m’a fé ziskatan m’a trap mon trant an, karant an, sinkant an...

Mi domann si i vé d’moin konm téknisien, injénièr, informatisien, shèf shantié, kondïktèr travo ? Si oui, oussa m’alé an formasion épi koman m’a fé pou alé an formasion. Moin lavé dizuit an par-la,épi in kèr bèl konm sa, lanvi travay pou mon péi, lanvi an aoir inn bone vi.
Tienbo, bann dalon, larg pa : nou galman, nana nout droi.

Justin