Mézami lé pa rar dann noute famiy néna déssèrtin lé adikté sanm la boisson-la plipar d’tan dsi in lalkol for k’i pé ète lo ronm. Défoi sa i annuiye anou pou toute sorte rézon pars in moune kan li lé bu, la pa touzour li tienbo ali bien an sossyété. Anpliské sa li l’apré fé ali d’tor é fé d’tor son prop famiye.

I di pa : « Kan in moune i boir sé son famiye k ‘lé sou »

Mé oir é dir, sé in n’afèr, ariv a dégoute in moune dsi lo ronm sé in n’ote afèr é nou la bo sèyé lé difissil pou gagné.

Mwin la konète demoune téi mète luil pignon d’inde dann boutèye la rak san rézilta. Mwin la konète mèm demoune téi mète la malpropreté dann la boisson san k’i fé arien. Si la pèrsone i vé pa, bin kour déyèr si wi vé, mé wi ariv ar pa.

Sé pou sa, mi kite azot rofléshi la dsi é ni rotrouv pli d’van. Sipétadyé