Lo zour i lèv pa in sèl kou sa. Mi diré mèm li lèv dann plizyèr z’étap é néna plizyèr mo pou di bann z’étap la. Kisoi dann la lang bann fransé ! Kisoi dann la lang kréol rényonèz ! Kisoi dann ninport ékèl lang dsi l a tèr. Pou kosa ? Pars de moun i suiv dékolaz in zourné pars sa lé inportan pou d’moun. Konm tonbé la nuite lé inportan pou d’moun galman. Astèr Bardzour ! Kosa i lé sa ? Pétète dann la lang fransé téi apèl sa « l’ob » é si dann laloang kréol rényonèz i apèl sa bard’zour moin lé sir sé pars la lign l’orizon i komans kléré avan solèy i lèv. Mi rapèl néna dé tan é dé tan, in grup jenn l’avé fé in rovi téi apèl Bardzour. Barzour la kiltir rényonèz ! Bardzour lo pèp rényoné ! Lo tan pou lévé. Alé ! Mi lèss azot rofléshi la dsi é ni artrouv pli d’van sipétadyé.