Kissoi dann l’agrikiltir, kissoi dann la lite kont la mizèr, kissoi ankor pou lédikassion épi la kiltir, lo dévlopman, kissoi ankor pou lojman, la santé, zot i pé pa dir sa i rapèl pa zot bande propozission Paul Vergès téi fé dann passé, apré bande kamarad la ropran apré li.

Pou mwin sa i vé dir an déor d’parti kominis, lé zot politik la pa invante gran-shoz épi si zot la invanté sa i sone plito fo, sa i sone pa krédib. Zot i sorte bande lapin dann zot shapo mélon, mé lo lapin la fine in pé afayi… Zot va dir amwin : na pi arien pou invanté, toute la fine trouvé si toute la fine trouvé sé pars in parti i travaye dossi dopi dé zané é dé zané… Mézami mi di pa in n’afèr konmsa. An kontrèr mi di si ni mète noute tout ansanb bann fors progré, ni pé fé ankor dé shoze, ni pé fé avanss bande b on zidé.

– inn, pou prézante in plate form vréman dann lintéré La Rényon épi bande rényoné.

– dë, fé avans noute bande propozission tèl manyèr, ké sa korésponde lo myé avèk la sityassion konm èl lé koméla, épi réponde bande zirzans ékonomik, sossyal, kiltirèl, épi anvironemantal.

Shakinn son koté nou na poin pou alé tro loin-i fo ni marsh ansanb. Noute toute ansanb.

A bon ékoutèr, salu !

Justin