Yèr, dovan in tribinal militèr laba an Irak, la komans’ lo prosé in solda amérikin té ki tortur bann prizonié irakyin. Rant’ militèr mèm bor é rant’ défansèr soidizan lo mond lib, na d’ shans’ lo kouran va pasé. Pa lo kouran la “zézènn”, byinsir...

Nou la poin pou tronp anou. Se soidizan prosé sora pa lo prosé la tortur, sora pa lo prosé tousa krim kont limanité lé Zétazini i fé dann so lite soidizan kont lo térorism. Sinonsa, lo soidizan shanpion lo mond lib noré fé prosé-la dann son péi. A gran ranfor la piblisité !

Si lété lo ka, nana inndé vérité noré fini par éklaté. La tortur pratiké an Irak la pa inn afèr lo katrièm rou la sharèt. Sé in nafèr la été désidé o pli o nivo !

Justin