"Oté Sarko, twé la roul anou, ton zoli kozman trèn anou dan la bou", i pouré shanté. Kinm lo kèr lé pa là. Ala i program vinn-sink mil zétranzé i zèt pardsi la frontièr. Kanpagn élèktoral, politik po amont son tèt, Nicolas Sarkozy i zwé lanpérèr.

Soman, okip, ogard, demoun la baz tout zot lespoir dési bann valèr La Frans. Astèr, tout zot volonté la palanké. Apré i di i respèk lo droi demoun. Aléwar !

Dor pa dann zapart "insalubre", mé dor dann lotèl. Po in fami, koman i fé, i dor dann in shanm mèm ? I dor dann shemin ? Marmay i sar pi lékol ? Tout sat na poin papié, i mark azot èk la fèy de list’ ? Sat zot la anvoyé dann kan po zémigré san papié, lé pa parké ?

Lé bon ésèy ramèn la pé dési in fournèz la pa loin pété, soman sré doss i gingn okip bann san papié dan la dinité. Batay po demoun i vé viv dann in péi "la liberté, légalité, la fratèrnité". An pliss, i fo zot i gingn vréman édé bann libané ; Israèl la kontine marsh si lo pié lo Liban.

Justin