Sa in kozman i sort dann in péi i apèl l’Abisini é pou sak la lir in pé nouvo téstaman, sa i rosanm in plézantri. Promyé bout i parl in kouyon, in so si zot i vé, poitan dann l’évanzil i parl in « pov d’éspri » : donk la pa in moun bète, mé konm k’i diré in moun sinp épi inosan. Sa la pa lo mèm z’afèr ! Dann dézyèm bout i parl lo shat d’in zéguy. Ebin la pa lo pti trou nana dann la tète zéguy mé la port Jérizalem-in port lété pa si tèlman larz. Astèr si ni mète lo dé sitasyon inn déyèr l’ot ni pé di « bien éré bann pov d’éspri pars zot v’alé dirèk dann paradi ». Lo dézyèm sé : sar pli dir pou in rish rant dann paradi ké pou in shamo pou pass par lo trou d’in zéguy. Alé ! Mi lèss azot kass z’ot tète la dsi é bni artrouv pli d’van sipétadyé.