Mésyé, Médam, la sosyété koz èk moin sé koz èk in kouyon mé sé o pyé d’lo mir ki oi lo bon mason. Zordi, ni kontinyé nout batekaré dann l’afrik an provèrb. Nou lé dann kongp avèk i n provèrb bonpé d’moun i koné. Pars lé vré pou d’bon ofiramézir in moun i grinp an grade dann la sosyété, oplis i oi myé son défo. Son défo lé la é dopi lontan, mé li fé pa oir pars étan pti kolon li la pèr demoun i aksèp mal son manyèr oir, son fason réazir. Mé kan li lé in pé an-o, si li néna mové défo sé la ké li fé goute aou. Bonpé d’moun, dann travaye i s’anplègn lo konportman zot kolèg kan a fine gingn promosyon. Mé boudikont, si ou i vé, ou i pé protèz aou kont in konportman pti shèf, sinploman si ou i méfyé aou dé ou mèm. An tansyon fé kal aou par d’moun san ké ou i atann.. Alé ! Mi kite azot rofléshi la dsi é ni artrouv pli d’van. Sipétadyé !