Lakey lo sit > Chroniques > Oté
« Opliss sinz i grinpe an-o, opliss i oi son déyèr »
In kozman pou la rout
zedi 23 zwin 2022, sanm
Médam, zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.
Mézami mi pans zot i doi konète dé ka konmsa, dé ka d’moune toultan zot lété marmaye la kour, zot lété zantiy, sinp, bien élvé : tout sak i fo pou ète lo zand mon madam é in zour zot la réissi dan la vi ; zot la gingn in gro métyé, zot i rèss dann in bèl mézon, zot loto lé zoli vèye pa, zot posh lé plin.
Mé oila ké zot la shanjé. Zot i pé pèrmète azot d’ète movèz imèr, dézagréab, mète aou lo boi an piblik. Zot i aksèp solman sak i karèss azot dann sans lo poil. L’èr-la ni pans nout kozman ékri anlèr la é ni di la pa solman sinz lé konmsa.
Alé ! mi kite azot rofléshi la dsi é ni artrouv pli d’van. Sipétadyé.
Justin
