Lë procureur la fé konvok lê mèr sintsïzann la jandarmri. Ankor in foi ? Oui, ankor in foi konmsa lï poura pa dir napoin zafèr pou roproch alï. Solman, na in problem : lë prokurèr an késtion, i sort gingn inn-dë rèss trankil avèk tribinal koréksionèl. Sa la pa in majinassion,sa lé marké dann jijman. Kan ou lé prokureur épi i di aou, out akïzassion i arpoz pa sü rien. i di aou, i fo tourn sèt foi out lang dann out boush(épï out plime dann lankriyé)avann kozé.
Donkalor,i vë dir aou, proshène foi, mèt in pë out santiman pèrsonèl par koté. La jïstis i akomod pa avèk sa. Normalman, sa i doi èt just : sa mem i apran dann lékol pou bann majistra. Solman, prokureur-la, la fine oubli sak li la aprann.
Sïrtou, na in afèr lï konpran pa , sé kossa i lé la dignité in moun épï la dignité in pèp. Koman i marsh pa ajnou dêvan lï, in gran shèf konmlï.
Alor, li robiss s. Li fé konvok lë mèr par la jandarmri pou in ot afèr épï lï mèt alï "aux abonnés absents" konmsa mem bann jandarm i gingn pa kontakt alï.
Oté baba ! Ma fé atann aou, ou va oir si tribinal i pé donn tor in gran shèf blan koman moin.

Justin