(Page 16)

Koman pa oublié toutsa la fé sanm nou ? L’otrozour, moin té onté antann toutsa la fé èk 1.600 marmay mon péi. Mé si moin navé la ont, afèr Léta la Frans i port pa la min dési gran zistoir-là, bann zanfan rénioné la Krèz ?

Vandrodi prosin, la Zistis i sar done son lavi, si Léta lé rèsponsab ou pa dann lafèr-là. Moin lé étoné li bat pa plis son lang ké sa, épisa li zèt la fot dési Départman.

Fo dir, lé vré, ké si Léta la komans bat la lang, noré in takon kozman an poundiak pou li siporté. Daborinn, i fodré li lav tout son mantri la fé sanm nou. Aya ! kansa v’arèt ral anou an sarèt saviré ?

Zistin