Mi rapèl étan pti, bann pli gran kan inn té i kour déyèr l’ot téi ansèrv amwin épi mon bann pti kamarad konm lobstak. Lo gran téi mète ali déyèr nou é kan sak l’apré zoué lo mèr avèk li i ariv, téi pouss anou dsi é sa té in n’afèr nou té apréssyé pa forséman.nou téi sar porte plinte avèk la métrèss… Konmsi la métrèss l’avé arienk sa pou fèr.

Pli tar kan nou téi rant dann gran lékol, bann pli gran k’nou téi zoué avèk nou konm i zoué la boul mé sa téi arète in zour. Kan ? Kan noi ossi nou téi azi la fors pou fé arète bann gran marmaye é pou sa nou téi amontr nou l’avé mové kolèr é kan lo gran té fine konprann sa li té i rèst trankil.

Mézami, pèrsonèlman mi yèm la plézantri mé mi préfèr, an parmi bann plézantri sak lé pli kourt é si li lé tro long défoi i fo arète ali.. ; De fors si lé nésséssèr.

Justin