Mézami noute toute néna kékshoz lé in portan pou nou sé noute ronomé, sak i fé ké l’moune i konsidèr anou bien. si wi gate mon papyé, wi détrui mon ronomé ésa lé pa bon pou mwin.

Mé oila, la ronomé sé konm toute éspèss de shoz, li pé shanzé zordi pou domin. Li pé z’ète bon zordi épi mové domin. Zordi ni pé ète la konfyanss demoune épi domin non.

Sé pou sa i fo ni défande noute ronomé, pars si i défann pa li, li sar pa kapab défann ali toussèl é sé pou sa li lé pli péssyé ké larzan pou nou é mi invite azot pou rofléshir la dsi.

Alé ! Ni rotrouv pli d’van, sipétadyé.

Justin