Médame zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami roul in moune la pa in bon afèr .Sirtou si wi roul ali dan la bou,osinonsa si wi roul ali dan la farine . Anfète,kossa Sarda la fé ? Li la fé aplik la loi dsu l’abolission lésklavaz mé an mèm tan li la mète bande zésklav libéré dann in n’ot train i apèl langajman é pour sur sa lété pa la libèrté non pli. Té pa l’égalité é tanka la fratèrnité néna loin dopi la koup ziska la lèv.

Axel Gauvin dann son fondkèr dsu Sarda i konstate lo domi-libèrté la done band zésklav libéré épi lo réjime lésploitassion la foute banna d’dan. Sé sak ni oi avèk lo rokil listoir é Axel lé bien klèr dsu so poinnvizé.

Alé ! Mi domande azot rofléshi la dsu pars lé zamé tro tar pou panss listoir. Ni artrouv pli d’van, sipétadyé.