Nou apèl a zot èk in nom, domoun i koné mèm pi lorizine : le konsèp zorèy La Rényon.

Nin pé i di, konm lé premyé lariv isi té i konpran pa byin nout lang, zot té i mèt zot min déryèr zot zorèy po myé antann é ésay konprann…

Dot i di, zot i pans bann natif la pré moukat a zot, zot zorèy i vyen rouz.

Nou konétra pa zamé la vré vérité. Nou viv èk sa.

Zordi, ki sé sé bann moun isi ? Koué zot i raport nout péi ? Zot i frèn ou zot i aksélèr ?

Kan mi koz konm sa, di pa moin lé rasis. Moin lé patriot. Mi èm mon péi. Mi obsèrv.

Na in afèr lé sir : kiltirèlman, na in bon pé i épouz pa nout manyèr voir lé soz.

Anékdot : na in kou, in kamarad i vyen isi fé staz la mizik, nou travèrs radyé la Rivyèr dé Plui. Mi di a li, là i sar fèr in pon, pars kan na siklone, i ginye pi pasé ! Ékout son répons : « Oué, pandan ce temps, les français i pay z’impo po antretenir vot folklore ! ».

In ot, miltan paran pandan dé zané : « Ogard, ma mézon, la téras, la navé la plas po mèt tout liv ti vé é fé locasyon liv po bann liséin », mé li la pa fé, é là li na tout son bann dalon konm li dan dot vil fine kit nout konpatriot rényoné dan nout konba asosiatif !

In ti dernyé : son bann paran an Frans té militan PCF, CGT, élu kominist. Isi, li trèt nout bann konpatriot de « pti péteux, cèt arivist, ki koné aryen a la politik, i va pa maprann la politik… ».

Lé bézé èk in boug konm sa ; é tout sak lé dan son ka ; nou koné nout zafèr La Rényon ; nou ginye mèn nout bato.

Zot i devré èt plis modès ; lès Kréol komann dan son péi…

Ou di sé in détay, non, sé pa in détay !

 Justin