In kozman pou la rout

« Ou fé zanfan, ou i fé pa lo kèr »

6 zwin 2018, sanm Justin

Ala in kozman la pa pou rann bann paran trankil. Pou kosa ? Pars tout paran i koz pou di zot i fé bien l’édikasyon z’ot zanfan. Solman oila, si sé sak zot i kroi, sa la pa touzour vré. La prèv ? Dé zanfan dann mèm famiy ou i done azot mèm l’édikasyon, mé si na inn i pous droit néna l’ot i pous tort. In pé i pans zot i drèss z’ot zanfan, mé zanfan la pa zanimo é la pa forsé zot i suiv lo kode son paran la done ali. Anpliské sa défoi bann paran i pans zot i fé bien, mé la pa vré toultan an touléka si ou i suiv bann éspésyalis l’édikasyon zanfan. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus