Sa lé vré sa pou vréman ! Kosa nana d’pli zoli k’in paye-an-ké k’i plane dann syèl ? Kosa i ral aou myé k’in bann zoizo d’mèr l’apré vol-vol anlèr pou trap poisson. La natir lé vréman bien fé oui sa ! Solman ni koné pa kèl kalité difikilté lo zoizo nana pou gouvèrn ali dann son vol-volé kan nana lo van an tourbiyon : li tousèl i koné son doulèr !. Sa lé vré pou zoizo, mé sa lé vré galman pou l’moun. Ou i oi souvan l’aparans lé shoz é la réalité i shap avèk ou. Ou i oi koté pil, mé ou i oi pa koté fas ! Alé ! Ni artrouv pli d’van.