Oté

« Ou i pans péi-la lé né lo zour ou l’arivé mé ou na tor »

In kozman pou la rout

Justin / 7 désanm 2018

JPEG - 43.6 ko

Mi koné pa si zot i rogard tazantan bann moun i sort déor. Kan zot i ariv, épi kan zot i sava, mé mi pé dir azot in l’obsèrvasyon konmsa i vo la pène. Pou kosa ? Pars in pé-in pé solman - i pans lo péi i égzis solman dopi lo zour zot l’arivé donk pou zot lo péi na poin l’Istoir. Sansa la pa spass arien lé inportan dann listoir, sansa si tèlman pé d’shoz ké la pa bézoin rodé pou vréman… Nou osi nou lé parèy kan ni sava fé lo touris dann péi déor. Ni di : nou la fé vienam, nou la fé Thaïland, Maurice ni koné dsi nout bout doi. Poitan ni koné pa granshoz ! Ni koné mèm trépé d’shoz. Sé pou sa mi kite azot rofléshi la dsi é ni artrouv pli d’van sipétadyé.