Ala in kozman mi pans li sort droite dann koko in moun saz. Pars finn kont lé vré pou vréman : si, in zour, ou i mète in moun in boush ta guèl. Dann son kèr, li va majine kozman-la : « néna in zour i apèl domin », é kan domin-la v’arivé lé posib ou néna pou gouté. Moin lé sir kisoi dann la politik, kisoi dann biznèss, kisoi ankor dann tout sort ka zot la fine trouv demoun la pa aplik nout provèrb épi zot la rogrété pli d’van. Ma sava pa dir azot lo bann ka mi koné. Final de kont, zot osi zot i koné lo mèm ka ké moin. Alé ! Mi kite azot rofléshi la dsi é ni artrouv pli d’van. Sipétadyé !