Sak nana ankor pti zanfan i koné traka avèk sak i apèl « ète prop ». Ete prop sé control son pipi avèk son kaka, mé sé galman suye son déyèr kan lé nésésèr. Bonpé momon lé trakasé kan zot i oi la rantré lékol arivé épi z’ot zanfan la pankor prop. Zot lé a d’mandé si lékol va aksèp z’ot marmaye... Mé pou di la vérité, nout kozman pou la rout na poin arien a oir avèk mon blag dopi talèr-la. Pou kosa ? Pars ni sort di in provèrb é in provèrb konm mi ékri souvan défoi, nana in moralité é dan n lo ka ni sort oir ni pé dir : « Ou i yèm fé la kouyonad ! » mé « ou i vé pa pèye lé konsékans » é sa lé bien vré. Alé ! Mi lèss azot réfléshi la dsi é ni artrouv pli d’van sipétadyé.