Mésyé, Médam, La sosyété, koz èk moin sé koz vèk in kouyon-sé o pyé d’lo mir k’i oi lo mason. Kozman moin la mar an-o la sa sé in provèrb malgash mé konm mi oi ali , li pouré z’ète in provèrb ninport ékèl péi. Pou kosa, Pars dann tout péi é dann tout l’androi néna demoun solidèr épi néna k’lé pa. M’a non mazot dé kalité provèrb é zot va oir inn i di lo kontrèr d’lot, i tourn lo do inn a l’ot . Si mi di : »In min i lav l’ot ! » : sa sé in vré solidarité . Mé si mi di : « sharité bien ordoné i komans par soi mèm ! ».L’èrla ni parl pi la sharité, mé ni parl l’égoïsité é sa lé vré partou, dann tout péi épi dann tout l’androi. Mé alon bien kalkilé : kan i domann ède bann fèb, bann vyé, bann malad sa sé in n’apèl pou la solidarité é mi pans sa sé in bon lékol la vi. Alé ! Mi kite azot rofléshi la dsi é ni artrouv pli d’van. Sipétadyé !
NB Kosa zot i diré d’in politik bazé dsi prinsip la solidarité ? Ala in kékshoz i botré amoin.