Mézami néna plizyèr kozman pou akèye in moune la mète ali dsi son trantéin. I pé di li la kass l’armoir-mwin la fine anparl azot sa. I pé di ankor : « Ou la tyé koshon ! ». Sansa ankor : lizine la pèye aou larzan lo ronm — i pé di ankor : ou la gingn la lotri. Antouléka sa i vé dir si in moune la désside abiye ali an nèv sé pars li la gingn in rantré d’larzan.

Mé pou kossa i di sa ?

Pars dann tan, la pa souvan k’in moune téi abiye ali an nèv pars larzan l’avé ziss-ziss, antouléka pa pou fé d’foli. Zordi, pou in oui, pou in non, i fé in noss, i roganiz in fèteé lo moune i mète ali dsi son trantéin.

Mi kite azot rofléshi la dsi é ni rotrouv pli d’van, sipétadyé.

Justin