Oté

« Ou va bril mon papyé »

In kozman pou la rout

Justin / 26 zanvié 2020

JPEG - 43.6 ko

Mésyé, Médam, La Sosyété koz èk moin sé koz èk in kouyon mé sé o pyé d’lo mir k’i oi lo mason. Bril payé in moun-la sa in n’afèr lé grav sa ! Kozman-la mi pans zot i koné sa dopi déza lontan. Zot i koné, dan la vi, out pasé i suiv aou é néna d’moun i koné ali. Tout fason : « Foimi i marsh sou la tèr kréol i koné ! ». Parl pi sak ou la fé dann out vi sirtou si la pa tro prop – prop. Parl pi si out lang na poin lo frin dosou. Souvan dé foi mi di demoun mon konésans i fo fé antansyon pars si ou i blok pa out lang, tardra viendra ou va fini par gingn dézagréman pou sak ou la fé, pou sak ou la pa fé mé l’moun la di ou la fé, pou sak ou la pa fé é d’moun la invanté. Lo sogré sé la trankilité…pa toultan mé kant mèm in pé tazantan. Alé ! Mi kite azot lo tan pou rofléshi é ni artrouv pli d’van. Sipétadyé !