(page 16)

Lékol lé fini, lékol i komans. Bann zinskripsion éskolèr lé fini pou lané proshinn. La rantré i tarde pa é na bonpé d’fami, kom sak ané, i koné pa ankor ousa zot marmay i sa giny alé. Déza na pi la plas pou bann marmay dé zan, ala bann marmay trwa zan i tonm si list d’atante.

Dopi lontan, papa moman la fine amont ali na in lékol zis a koté la kaz. Ala zordi, minm li tonm dann lo bon séktèr, minm li lé inskri a tan, i bate ali inn ot koté.

Si an plis lo famy i atan inn ot marmay, oubyinsa si lo ti dèrnié i sava inn krèsh dann l’kartié, fodra moman papa i tash manyèr anminn inn koté si, lot koté laba. Tousa akoz i di aou na pwin asé mèt lékol dan l’koin. Minm pa in problèm la plas.

Toute fason, dèrnyé minite, lé riskap di aou lékol lé obligatoir rienk a partir 6 zan. Bonpé paran i émré giny gard zot marmay èk zot, mé zordi i fo toulmon i travay dann in fami. Rès zis pou aspèr marmay va giny rannt dann lékol son séktèr. An éspéran wa di ali vitman ousa li sa va. Lèss pa la rantré arivé pour di marmay ousa lékol i lé...!

Zistin