Sa i vé dir nou lé atashé avèk in bien finalman li lé pa nou, pars ni pass la in tan provizoir. Fransh vérité, nou lé pa imortèl é mèm lo tan nout prézanss nou lé pa dann la stabilité. Pou in rien, ni pé lèv lo kan pou alé.

Biensir ni panss nou lé kaziman étèrnèl é lo tan k’ni pass issi an ba i vo kaziman in titepropriyété. Mé ni koné dann déssèrtin péi, dsi déssèrtin kontinan demoune la pwin tit propriyétèr é mèm sak ni produi, néna demoune i panss lé azot : kissoi noute réjime fig, kissoi lyèv dsi noute soidizan propriyété, kissoi ankor mang dsi lo pyé kan i ariv la sézon.

Final de konte nout filozofi i di nou lé propriyétèr, mé a voir vréman, sé nout pti karé dann simtyèr k’i done anou lo sanss nout létèrbnité.

Alé ! ni pé rofléshir la dsi é ni retrouv pli dvan, sipétadyé.

Justin