Agarde dernier cyclone Belal la passe dann la zone. Si issi nou té in pé éparnié, té pa lo ka dann zil Moris. Déga té for, navé dé mor. Poitan moin pa endi La Réinion, ni mêm son minis de l’outre-mer ke té issi sir plas, ne serès di in mo de solidarité. Alon dir ke nou ossi nou té dann nout bèzeman. Dakor.

Mé agarde zélection la ba Comore, i prétan le résilta lé triké é i tié bann manifestan lé pa dakor ek la fasson fé. Sa lé vréman grave, mé là enkor ou i enten pa lé zotorité nout péï en parlé, ni sèt la Frans alor ke li lé à la tèt de là COI.

Ankor in poin, lo dernier rapport dessi la povroté mondial i plas Madégascar avan dernier. Li té lo 5e péï lo pli pov au monde, é en 3 ans li la pas 2e, ek consékans grave pou son popilassion. Lo rapor y esplik ke na lo problèm chanzement klimatik mé na sirtout lo problèm politik. É kossa ni en pans ? Nièt.

Nou ossi na nout problèm é ansanm nou pé ède à nou lé zin lé zot, pou sa y fo na in volonté politik, é y fo inn y fé lo promié pa. Poukoi pa nou ?

Justin