Alor, pou kossa nout kozman zordi-la. Sirman sé kan in moune i prézante in n’afèr lé pa tro sir, mèm lé pa sir ditou alor sak néna lo pyé sir tèr, i panss toutsuit kozman-la.

Sa i fé panss amwin in zistoir dann tan lontan : in moune l’avé ashté in kamyon éspéssyalman pou li alé rode gouni dann sid pou ramenn dann nor épi fèr in bon afèr. Son madam té pli réalist ké li é la di ali lo kozman mwin la marke an-o la. Konm pou dir ali out lantropriz lé pa pou réissir.

Rézilta : lo kamion la parti dann sid pou ramenn gouni dann nor. Li l’ariv dann sid, li la sharj gouni laba Sin-Filip dann sépa kèl trou d’dyab é kamyon la tonm an pane par-la koté zaviron é konm i di l’arèst la pou manz zèrb.

Lo madam la anparl sa konm in zistoir èl l’apèl èl-mèm « bann gouni Moro » Vik son mari téi apèl lo nom la.

Alé ! Mi kite azot rofléshir la dsi é ni rotrouv pli dvan, sipétadyé.

Justin