In kozman pou la rout

« Out balo lé mal amaré ! »

23 févrié 2018, sanm Justin

Mi koné pa si bonpé rant nou i koné ankor kosa i lé in balo. Dizon sé in sak vakoa trésé, pétète osi in sak goni, pou mète létshi, sharbon, do ri é d’ot zafèr ankor. I pé di ankor in balo linz pou alé lav la rivyèr. Dann kozman an-o la i parl pa létshi, ni sharbon, ni d’ri biensir. Boudikont dir out balo lé mal amaré sé konmsi i di out kanar lé noir, out afèr lé mal angajé, san parl tout in bann kozman i vé dir out afèr lé pa klèr. I pé dir osi in fiy la fé pak avan karème la ramas in balo é mi pans pa la bézoin in bonpé zésplikasyon pou konprann in n’afèr konmsa. Alé ! mi lèss azot rofléshi la dsi é ni artrouv pli d’van sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus