Mézami, zot i koné balo létshi, balo la paye, balo linz, balo sharbon… Dizon in balo avèk in bal sé lo même zafèr. Aprésa, konm kréol néna limazinassyon i parl ossi pran son balo pou alé. Mé zot i koné bien in balo pou ète solide i fo li lé bien amaré-in balo linz sé in dra, sansa in nape wi amar dé koin an dékoin – dé zan dé si zot i vé-é sa i fé in léspèss sak pou amènn oute linz pou lavé, é kossa i ariv si li lé mal amaré ? Toute sak lé d’dan i shape atèr.

Mé sa sé lo sanss prope, pars néna ossi in sanss figuiré : in balo i pé zète balo la vi, é si li lé mal amaré, oute vi lé riskab kapoté. Parèye si wi monte in biznèss san prékossion, antansion danzé. oute biznèss lé riskab foiré.

Alé ! Mi kite azot rofléshi la dsi é ni artrouv pli d’van. Sipétadyé.