« Pa d’arzan pa d’anvi », sa in sitassion mon moman té i di, kan èl lavé anvi manze in nafer èl té i ème, in fantézi, konm in kote sokola par ekzanp, mé kel navé poin lo moyen astè. Larzan èl navé lété zis pou asté lo nésséssèr : do ri, luile, do sèl, do zèfe, do sik, kafé. Ala son lisse komission. La dan na poin pou amisé, na zis pou viv. Rèzeman son sitiassion la sanzé, zordi li pé fé son fantési. Tan mié pou li.

Mé, kan mi akoute laktialité, mi di, ala in kozman lé aproprié sé tansi. Lo pri marsandize y fini pi rogmanté et y paré la povroté, issi kom an Frans et konm dann bonpé péï y rogmante osi. Domoun y gane pi joine lé dé boute. Zot y sava rode manzé ek lassossiassion lé la espré pou èdè sate lé dann malizé. Soleman, la sitiassion lé si telman grave, ziska lo bande lassossiassion lé entrin d’tombe dann malizé osi. La lé vréman grave, lé mêm pi o stade « lanvi », l’essensiel non pli domoun i gane pi awar. Koman zot y sa fé ? Koman y fé pou fé grandi marmaye dann condition konm sa ? Kan in léta y gane pi donn manzé son peup, vo domié li lèss son plasse.

Alé, ni artrouv.

Justin